昨天匯豐(0005)宣佈恢復派息，市場真係好欣喜喎，午後一度升至49.5元，是11個月高位，青冰就諗起，去年匯豐係派0.21美元末期息，除淨之後，股東等落袋之時，在愚人節就忽然宣佈，取消派息，股價單日由45蚊跳水插落40蚊，跟住隔咗一年，佢話派返畀你喇，但打了七折，係得0.15美元，仲要話之後唔一定可以每季派，短期內都冇回購。
如果青冰係股東，就唔會太開心了，拎走你一塊燒餅，打你一身，一年後畀返已經冇咗一大忽的燒餅你，同你講有食好食喇，跟住你仲Yeah唔Yeah得出呢？ 講講吓，忽然覺得個情節好有星爺feel添😂😂。